Öllu snúið á hvolf eins og þeim einum er lagið

Deilt um afstöðu til aðgerða í Írak á Alþingi

Halldór Ásgrímsson, forsætisráðherra, sagði á Alþingi í dag að ef Íslendingar féllu frá stuðningi við aðgerðir Bandaríkjamanna og annarra ríkja í Írak, þá þýði það að Íslendingar láti af stuðningi við hina pólitísku og efnahagslegu uppbyggingu í Írak.

Bull.

Davíð Oddsson, utanríkisráðherra, sagði að hvergi færi fram umræða um að taka lönd af umræddum lista nema hér.

Húrra fyrir okkur.

Sagðist Davíð hafa þurft að fara á Landspítalann og láta skera úr sér krabbamein og fyrir aðgerðina hefði hann þurft að gefa skriflegt samþykkti. Sagði hann að ef hann nú kæmi og vildi taka til baka þetta samþykki við uppskurðinum þá yrði litið á hann sem einhverskonar fífl.

Svona samlíkingar segja mér að þú sért fífl Davíð.

Sagði hann að menn hefðu viljað að krabbameinið Saddam Hussein yrði skorið í burt í Írak og síðan tæki við endurhæfing.

Það þarf að fjarlægja krabbameinið Sjálfstæðisflokkinn úr stjórninni og hefja endurhæfingu.

Halldór Ásgrímsson, sagðist heyra það á þingflokki Samfylkingar, að þar vilji menn ræða fortíðina en það sem skipti máli sé hvaða afstöðu þingmennirnir hafi gagnvart því sem nú sé verið að gera í Írak. „Innrásin er löngu búin," sagði Halldór.

Minnir mig á 'The Doctrine of Change of Course', sem Chomsky talar mikið um. Það var þá, en svoleiðis gerum við ekki lengur þannig að við skulum ekki tala um það.

Fólkið.